Yaqin Sharqda mojaro avj olgan 7-oktyabrdan buyon falastinliklar orasida qurbon bo‘lganlarning umumiy soni 3 ming nafardan oshdi. Bu haqda Falastin Sog‘liqni saqlash vazirligi o‘zining Telegram kanalida ma’lum qildi.
Vazirlik maʼlumotlariga ko‘ra, yana kamida 13 750 kishi jarohat olgan.
Isroil tomonidan e’lon qilingan ma’lumotlarga ko‘ra, 7-oktyabr kuni HAMAS hujum boshlaganidan beri 1400 nafardan ortiq isroillik halok bo‘lgan. Shu jumladan, 148 nafar xorijiy davlat fuqarolari raketa zarbalari natijasida vafot etgan.
Kecha 16-oktyabr kuni Isroil Tashqi ishlar vazirligi va politsiyasi bergan maʼlumotga ko‘ra, mamlakat janubida ro‘y bergan hujum vaqtida O‘zbekistonda tug‘ilgan va 90-yillarda repatriatsiya dasturiga muvofiq Isroilga ko‘chib kelgan 5 (besh) nafar kishi halok bo‘lgan. Olingan maʼlumotlarga ko‘ra, ular amaldagi O‘zbekiston fuqarolik pasportlariga ega emas.
Izoh (0)