Toshkent viloyatining Oqqo‘rg‘on tumanida 15-oktyabr — Xalqaro qishloq ayollari kuni munosabati bilan tadbir bo‘lib o‘tdi. Unda Zoir Mirzayevning o‘rinbosari — Oila va xotin-qizlar boshqarmasi boshlig‘i Zuhra Mirg‘oziyeva, Oqqo‘rg‘on tumani hokimi To‘ra Bobolov ishtirok etdi.
![](/static/2023/12/photo_2023-10-14_13-46-34.jpg)
![](/static/2023/12/photo_2023-10-14_13-44-32.jpg)
Tadbirda ishtirokchilar dastlab “Boyg‘uli” mahalla fuqarolar yig‘inidagi ibratli oilalar hayoti bilan tanishdi.
![](/static/2023/12/photo_2023-10-14_13-45-22.jpg)
![](/static/2023/12/photo_2023-10-14_13-44-24.jpg)
Qishloq ayollari qo‘l mehnati bilan tayyorlangan hunarmandchilik mahsulotlari namoyish etildi.
![](/static/2023/12/photo_2023-10-14_13-45-08.jpg)
![](/static/2023/12/photo_2023-10-14_13-46-40.jpg)
Ta’kidlanishicha, bu hududdagi aholi tomorqasida chorvachilik va asalarichilik bilan shug‘ullanib, daromad orttiradi.
![](/static/2023/12/photo_2023-10-14_13-48-12.jpg)
![](/static/2023/12/photo_2023-10-14_13-46-02.jpg)
Toshkent viloyati hokimligi axborot xizmatining ma’lumot berishicha, Toshkent viloyatidagi 1 million 488 ming 903 nafar xotin-qizning 75,3 foizi olis va chekka hududlarda yashaydi. O‘tgan davrda qishloq joylaridagi 44 ming nafar ishsiz xotin-qizning 13 ming nafari doimiy ishga qabul qilingan, 25 ming nafari kasb-hunarga o‘qitilib, o‘zini-o‘zi band qilgan.
![](/static/2023/12/photo_2023-10-14_13-47-27.jpg)
![](/static/2023/12/photo_2023-10-14_13-48-01.jpg)
Viloyatda xotin-qizlar tadbirkorligini rivojlantirish uchun 2023-yilning 9 oyi davomida 12 ming 857 nafar ayolga kredit mablag‘lari ajratilgan. “Ayollar daftari”ga kiritilgan 79 ming 528 nafar xotin-qizga amaliy yordam ko‘rsatilgan. Jumladan, 30 ming 394 nafar ishsiz xotin-qizning bandligi ta’minlanib, 3 ming 461 nafari kasb-hunarga o‘qitildi, — deydi Oila va xotin-qizlar boshqarmasi boshlig‘i Zuhra Mirg‘oziyeva.