Xorazm viloyati Xiva tumanida ayol 2 yoshli qizini eri va qaynanasiga jahl qilib, o‘qlov bilan urib o‘ldirgani aytilmoqda.
Xabarga ko‘ra, Xivada 2021-yil 30-sentyabr kuni ikki yoshli Sh.E. vafot etagan. Sud-tibbiy ekspertizasi 2021-yilning 26-oktyabrida qizcha bosh miya yopiq jarohati, bosh miya qattiq pardasi ensa sohasi ostiga qon quyilishi, ko‘krak qafasi, qorin bo‘shlig‘i va qorin parda aʼzolari yopiq jarohati, diafragma, jigarni katta va kichik bo‘laklari birikish joyi, o‘t xaltasi osti, o‘t yo‘llari atrofi va 12 barmoq tashqi devori hamda ichak tutqichlariga, ingichka ichakni ayrim qismlari sirroz qavatiga, oshqozon ostibezi, ikkala buyrak atrof to‘qimasi atrofiga, chap buyrak yuqori qismi pardasi ostiga qon quyilishlari, boshini peshona sohasi yuzalarini, chap ko‘z tashqi burchagi, iyak va pastki jag‘ chap tomon burchagi sohasini, ikkala quloq suprasini orqa yuzasi bo‘ynini, ko‘krak qafasi, qornini oldingi devori, o‘ng va chap yelka, o‘ng qo‘l kafti 3–barmog‘i, tashqi jinsiy aʼzolari, belini, o‘ng va chap dumbalari, dumg‘aza sohasi, o‘ng son chanoq bo‘g‘imini qontalash jarohati, qon ketishdan keyingi shok, bosh miya va o‘pkalar shishishi asoratlari oqibatida kelib chiqqan o‘tkir yurak, nafas, buyraklar, jigar yetishmovchiligidan vafot etgan deb xulosa beradi.
Biroq Xiva tuman prokuraturasi 2021-yil 29-oktyabr kuni Sh.ning o‘limiga o‘tkir respirator kasallik, oshqozon-ichak faoliyati buzilishi, talvasa sindromi, kamqonlikning og‘ir darajasi, tutqanoq kasalligi va boshqa dalillar sabab bo‘lganini ko‘rsatib, jinoyat ishi qo‘zg‘atishni rad qilish to‘g‘risida qaror qabul qiladi.
Shu yilning 12-sentyabr kuni Xiva tuman prokuraturasining Sh.ning o‘limi yuzasidan jinoyat ishi qo‘zg‘atishni rad qilish to‘g‘risidagi qarorini Xorazm viloyat prokuraturasi bekor qilib, qayta qo‘shimcha surishtiruv boshlaydi.
Surishtiruvlar davomida 2021-yilning 29-sentyabrida Sh.ning onasi, Sh.E. turmush o‘rtog‘i va qaynanasining bolaga nisbatan bildirgan eʼtiroz va haqoratlaridan asabi buzilib, jahl ustida qizini o‘qlov bilan urib, bolaga jarohatlar yetkazib, uni yotoqxonasiga olib kirib, uxlatib, ustidan eshikni qulflab, o‘zi paxta terimiga chiqib ketib, bolani qarovsiz qoldirgani aniqlangan.
Bundan tashqari, qo‘shnilar guvohlik berishicha, Sh.(ona) oiladagi turli kelishmovchiliklar sabab g‘azabini farzandi Sh.(qizi)ga ko‘rsatib, uni doimiy ravishda kaltaklab kelgan. Hozirda marhumaning onasi Sh.E. qo‘lga olingan, tergov davom etmoqda.
Izoh (0)