Бишкекда бўлиб ўтган МДҲ Давлат раҳбарлари саммитида рус тили бўйича халқаро ташкилотни тузиш тўғрисидаги битим имзоланди.
Бундай тузилмани ташкил этиш ташаббуси аввалроқ Қозоғистон президенти Қосим-Жўмарт Тўқаев томонидан билдирилган эди. Россия етакчиси Владимир Путин рус тили ташкилотининг бош қароргоҳини Сочида жойлаштиришни таклиф қилди. У, шунингдек, ташкилотнинг фаолияти тез орада бошланишига умид билдирди.
![](/static/2023/toqayev12.jpg)
Владимир Путин шундай ташкилотни яратиш ғояси учун Қосим-Жўмарт Тўқаевга миннатдорчилик билдирди.
“Қосим-Жўмарт Кемелевич, ушбу ташаббусингиз учун сизга катта раҳмат”, — деди Путин.
Россия Федерацияси президентининг ёрдамчиси Юрий Ушаков таъкидлаганидек, янги ташкилот “Ҳамдўстлик майдони билан чекланмайди” ва барча манфаатдор давлатлар аъзо бўлиши учун очиқ бўлади.