“Davlat daromadiga olingan mol-mulklarni soddalashtirilgan auksion tamoyillari asosida E-auksion shop elektron savdo do‘koni orqali sotish tartibi to‘g‘risida”gi hukumat qarori qabul qilindi.
Hujjatga muvofiq quyidagilar tasdiqlandi:
- E-auksion elektron savdo platformasida ro‘yxatdan o‘tish, buyurtma yaratish va savdo o‘tkazilishi to‘g‘risida xabarnomani joylashtirish;
- E-auksion shop elektron savdo do‘konida soddalashtirilgan auksion tamoyillari asosida savdolarni tashkil etish va o‘tkazish;
- E-auksion shop elektron savdo do‘konida takroriy savdolarni o‘tkazish;
- Savdo g‘olibi (salohiyatli g‘olib) bilan hisob-kitob qilish va zakalat pulini qaytarish.
Elektron savdo do‘konida Majburiy ijro byurosi va uning hududiy tuzilmalari tomonidan tanlab olingan savdo tashkilotlari hamda “Bojxona servis” davlat muassasasi va uning hududiy bo‘limlari buyurtmachi hisoblanadi.
Elektron savdo do‘konida savdo tegishli eʼlon chiqarilgan kundan keyingi ish kuni soat 10:00 da boshlanadi va 5 ish kuni davomida, oxirgi ish kuni soat 18:00 ga qadar o‘tkaziladi.
Qaror 2024-yil 6-yanvardan kuchga kiradi.
Avvalroq prezident qarori bilan mamlakatdagi 20 ta vazirlik va idoralarda yangi investitsiya loyihalarini ishlab chiqish va amalga oshirish bo‘yicha “loyiha ofislari” tashkil etilgandi. Shuningdek, Toshkent shahri hokimligi muassisligida davlat va tadbirkorlik subyektlari o‘rtasida “ko‘prik” vazifasini bajaruvchi “Toshkent Invest kompaniyasi” aksiyadorlik jamiyati tashkil etilayotgani to‘g‘risida xabar berilgandi.
Izoh (0)