Kot-d’Ivuar prezidenti Alassan Uattara bosh vazir Patrik Ashini iste’foga chiqardi va hukumatni tarqatib yubordi.
Bu haqda Kot-d’Ivuar prezidenti ma’muriyati rahbari Abudramon Sissega tayanib, Reuters xabar bermoqda. Agentlik mazkur hodisaga nima sabab bo‘lgani haqida ma’lum qilmagan.
O‘z navbatida, RFI radiostansiyasining xabar berishicha, davlat rahbari vazirlarga yangi hukumat tuzilgunga qadar o‘z vazifalarini vaqtincha bajarish bo‘yicha topshiriq bergan.
28-sentyabr kuni Afrikaning boshqa bir mamlakati Burkina-Fasoda razvedka xizmatlari davlat to‘ntarishiga urinishning oldini olishgani xabar qilingandi.
Ma’lumot uchun, 2017-yildan beri dunyoda sodir bo‘lgan 17 davlat to‘ntarishidan faqat bittasi Afrikada emas, Osiyoda – Myanmada yuz bergan. Oxirgi uch yil ichida G‘arbiy Afrika davlatlarida yetti marta davlat to‘ntarishiga urinish bo‘lgan.
Izoh (0)