Кот-д,’Ивуар президенти Алассан Уаттара бош вазир Патрик Ашини истеъфога чиқарди ва ҳукуматни тарқатиб юборди.
Бу ҳақда Кот-д’Ивуар президенти маъмурияти раҳбари Абудрамон Сиссега таяниб, Reuters хабар бермоқда. Агентлик мазкур ҳодисага нима сабаб бўлгани ҳақида маълум қилмаган.
![](/static/divuar11.jpg)
Ўз навбатида, РФИ радиостанциясининг хабар беришича, давлат раҳбари вазирларга янги ҳукумат тузилгунга қадар ўз вазифаларини вақтинча бажариш бўйича топшириқ берган.
28-сентябр куни Африканинг бошқа бир мамлакати Буркина-Фасода разведка хизматлари давлат тўнтаришига уринишнинг олдини олишгани хабар қилинганди.
Маълумот учун, 2017 йилдан бери дунёда содир бўлган 17 давлат тўнтаришидан фақат биттаси Африкада эмас, Осиёда – Мянмада юз берган. Охирги уч йил ичида Ғарбий Африка давлатларида етти марта давлат тўнтаришига уриниш бўлган.