O‘zbekistonda 2022-yilda sodir bo‘lgan tabiiy va texnogen favqulodda vaziyatlar oqibatida 287 nafar inson halok bo‘lgan. Bu haqda FVV akademiyasida o‘tgan ilmiy-amaliy anjumanda ma’lum qilindi.
Statistik ma’lumotlarga ko‘ra, 2022-yilda sodir bo‘lgan tabiiy va texnogen xususiyatdagi favqulodda vaziyatlar 131 tani tashkil etgan. Oqibatda 287 nafar inson halok bo‘lgan, 297 nafari jabrlangan.
Shundan tabiiy xususiyatdagilari 55 tani, halok bo‘lganlar 127 nafarni, jarohat olganlar 88 nafarni tashkil etgan. Texnogen xususiyatli favqulodda vaziyatlarning asosiy qismini yong‘inlar tashkil etgan.
Avvalroq O‘zbekistonda 2023-yilning o‘tgan yetti oyda 4 772 ta YTH qayd etilgani to‘g‘risida xabar berilgandi. Oliy Majlis Senatining Mudofaa va xavfsizlik masalalari qo‘mitasi raisi Qutbitdin Burxonovga ko‘ra, ushbu YTHlar oqibatida 1 115 kishi halok bo‘lgan, 4 ming 564 nafari turli tan jarohatlari olgan.
Shuningdek, mamlakatda 2022-yil boshidan buyon is gazidan zaharlanish bilan bog‘liq 90 dan ortiq holat qayd etilgan. Buning oqibatida 146 kishi vafot etgan, yana 50 nafar fuqaro jabrlangan.
Izoh (0)