Osiyo o‘yinlari. O‘zbekiston U-23 terma jamoasi qo‘shimcha bo‘limlargacha borgan o‘yinda Indoneziyani mag‘lub etib, keyingi bosqichga yo‘l oldi (video)

Futbol bo‘yicha Osiyo o‘yinlari doirasida O‘zbekiston Olimpiya terma jamoasi 28-sentabr, payshanba kuni Indoneziyaga qarshi maydonga tushdi.

Uchrashuvning asosiy bo‘limlarida darvozalar daxlsizligi saqlanib qoldi. G‘olib nomi aniqlanmagach, jamoalar qo‘shimcha bo‘limlarga yo‘l oldi.

Qo‘shimcha bo‘limlarning boshida o‘zbekistonliklar hisobni ochdi. 92-daqiqada Sherzod Esanov Jasur Jaloliddinovning burchakdan oshirgan to‘pini darvozaga joylab qo‘yib, uni Ronaldu uslubida nishonladi.

113-daqiqada esa raqib futbolchisi Hugo Samir qizil kartochka olib, maydonni tark etdi. Indoneziya uchrashuvni bir kishi kam bo‘lib yakunlaydigan bo‘ldi. 121-daqiqada Esanov dublni rasmiylashtirdi va uchrashuvga yakuniy nuqtani qo‘ydi. O‘zbekiston U-23 terma jamoasi g‘alaba qozonib, chorak finalga yo‘l oldi. 

Timur Kapadze shogirdlari 1/4 final bosqichida Hindiston/Saudiya Arabistoni juftligi g‘olibi bilan bahs olib boradi.

Osiyo o‘yinlari

27-sentabr, payshanba

O‘zbekiston – Indoneziya 2:0

Gol: 1:0 — 92 Esanov, 2:0 — 121 Esanov.

O‘zbekiston U-23: 12. Vladimir Nazarov, 2. Saidazamat Mirsaidov, 5. Muhammadqodir Hamraliyev, 8. Ibrohim Ibragimov, 9. Ulug‘bek Hoshimov (Alisher Odilov, 73), 10. Jasurbek Jaloliddinov (Behzod Shamsiyev, 108), 14. Ibrohimhalil Yo‘ldoshev, 17. Abdurauf Bo‘riyev, 18. Alibek Davronov, 19. Husayn Norchayev (Asadbek Rahimjonov, 108), 20. Ruslanbek Jiyanov (Sherzod Esanov, 92).

Indoneziya U-23: 20. Ernando Ari Sutaryadi, 2. Amiruddin Bagas Kaffa Arrizqi, 3. Andi Setyo Nugroxo, 5. Rizki Ridxo Ramazoni, 19. Alfeandra Divangga Santosa, 12. Doni Tri Pamungakas, 15. Muhammad Muslihuddin, 17. Syahrian Abimanyu, 9. Muhammad Ramazon Sananta, 10. Egi Maulana Vikri, 11. Ranai Melvan Rumakiek.

Ogohlantirishlar: Muhammad Ramazon Sananta (23), Ibrohim Ibragimov (23), Ulug‘bek Hoshimov (33), Amiruddin Bagas Kaffa Arrizqi (54)