Футбол бўйича Осиё ўйинлари доирасида Ўзбекистон Олимпия терма жамоаси 28 сентябрь, пайшанба куни Индонезияга қарши майдонга тушди.
Учрашувнинг асосий бўлимларида дарвозалар дахлсизлиги сақланиб қолди. Ғолиб номи аниқланмагач, жамоалар қўшимча бўлимларга йўл олди.
Қўшимча бўлимларнинг бошида ўзбекистонликлар ҳисобни очди. 92-дақиқада Шерзод Эсанов Жасур Жалолиддиновнинг бурчакдан оширган тўпини дарвозага жойлаб қўйиб, уни Роналду услубида нишонлади.
113-дақиқада эса рақиб футболчиси Ҳуго Самир қизил карточка олиб, майдонни тарк этди. Индонезия учрашувни бир киши кам бўлиб якунлайдиган бўлди. 121-дақиқада Эсанов дублни расмийлаштирди ва учрашувга якуний нуқтани қўйди. Ўзбекистон U-23 терма жамоаси ғалаба қозониб, чорак финалга йўл олди.
Тимур Кападзе шогирдлари 1/4 финал босқичида Ҳиндистон/Саудия Арабистони жуфтлиги ғолиби билан баҳс олиб боради.
Осиё ўйинлари
27 сентябрь, пайшанба
Ўзбекистон – Индонезия 2:0
Гол: 1:0 — 92 Эсанов, 2:0 — 121 Эсанов.
Ўзбекистон U-23: 12. Владимир Назаров, 2. Саидазамат Мирсаидов, 5. Муҳаммадқодир Ҳамралиев, 8. Иброҳим Ибрагимов, 9. Улуғбек Ҳошимов (Алишер Одилов, 73), 10. Жасурбек Жалолиддинов (Беҳзод Шамсиев, 108), 14. Иброҳимҳалил Йўлдошев, 17. Абдурауф Бўриев, 18. Алибек Давронов, 19. Ҳусайн Норчаев (Асадбек Раҳимжонов, 108), 20. Русланбек Жиянов (Шерзод Эсанов, 92).
Индонезия U-23: 20. Эрнандо Ари Сутаряди, 2. Амируддин Багас Каффа Арризқи, 3. Анди Сетё Нугрохо, 5. Ризки Ридхо Рамазони, 19. Алфеандра Дивангга Сантоса, 12. Дони Три Памунгакас, 15. Муҳаммад Муслиҳуддин, 17. Сяҳриан Абиманю, 9. Муҳаммад Рамазон Сананта, 10. Эги Маулана Викри, 11. Ранаи Мелван Румакиэк.
Огоҳлантиришлар: Муҳаммад Рамазон Сананта (23), Иброҳим Ибрагимов (23), Улуғбек Ҳошимов (33), Амируддин Багас Каффа Арризқи (54)
Изоҳ (0)