Ispaniya sudi “Barselona”ni “Negreyra ishi” bo‘yicha aybdor deb topdi.
El Debate nashrining ma’lumot berishicha, ishni olib borayotgan Barselona tergov sudi rahbari Xoakin Agirre “Barselona” Ispaniya futbol federatsiyasi (RFEF) hakamlar qo‘mitasi vitse-prezidenti Enrikes Negreyraga pul o‘tkazganlik masalalarini ko‘rib chiqqan.
Sud qaroriga ko‘ra, Negreyradan tashqari uning o‘g‘li hamda Kataloniya klubining sobiq prezidentlari Xosep Bartomeu va Sandro Rosellar aybdor deb topilgan. Ispaniya sudlarida hech bir mansabdor o‘z vazifasini bajarganligi uchun qo‘shimcha haq olmasligi belgilangan.
“Negreyra ishi”da nimalar bo‘layotgani haqida qisqacha: joriy yilning fevral oyida “Barselona” 3 yil davomida Ispaniya futbol federatsiyasi (RFEF) hakamlar qo‘mitasi vitse-prezidenti Enrikes Negreyraga pul to‘lab kelgani aniqlangan. Katalon klubining o‘zi Negreyraga hakamlar bo‘yicha hisobotlar uchun pul to‘laganini tasdiqlagan.
Qayd etilishicha, Negreyra 2001-yildan beri katalon klubidan kamida 7,3 million yevro pul olgan, ammo sud faqat oxirgi o‘n yillikdagi o‘tkazmalar bo‘yicha ish olib borgan.
Izoh (0)