Tayvan janubida joylashgan Pindun uyezdidagi golf koptoklari ishlab chiqaruvchi zavodda portlash sodir bo‘ldi. Bu haqda Focus Taiwan nashri xabar berdi.
Qurbonlar orasida uch nafar o‘t o‘chiruvchi ham bor. Shuningdek, yong‘in oqibatida jarohatlangan va yong‘in joyidan olib chiqilgan bir erkak va ayol halok bo‘lgan. Yana besh kishi bedarak yo‘qolganlar ro‘yxatida. Yong‘in oqibatida jami 102 kishi jabrlangan, ularning barchasi kasalxonaga yotqizilgan.
Yong‘in 12 soatdan ortiq davom etgan. Pindun rasmiylariga ko‘ra, voqea joyi atrofida havoni sanoat kimyoviy moddalarining hidi tutib ketgan.
Avval Janubiy Koreyada 40 yoshli o‘zbekistonlik erkak o‘z hayotini xavf ostiga qo‘yib, 69 yoshli koreyalik ayolni yong‘indan qutqargani haqida xabar berilgandi.
Avgust oxirida Janubiy Afrika Respublikasida boshpanasizlar turgan bino yonib ketishi oqibatida 73 kishi halok bo‘lgandi. 50 dan ortiq odam jarohatlangan.
Izoh (0)