Turkiyaning Dyuzje shahrida yashovchi 68 yoshli erkak o‘zining shar’iy nikohidagi o‘zbekistonlik ayolni vahshiylarcha o‘ldirdi. Bu haqda Son dakika turk nashri xabar berdi.
Qayd etilishicha, qotillikka o‘zaro tortishuv sabab bo‘lgan. A.G. ismli shaxs Barno Odilovani uni aldaganlikda ayblagan va bo‘g‘izlab o‘ldirgan. Shundan so‘ng, qotil voqea joyini tark etib, politsiya bo‘limiga borgan va jinoyatiga iqror bo‘lgan.
Hodisa kechki payt shahar markazidagi Orhangazi tumani 502-ko‘chasida sodir bo‘lgan.
Odilovaning jasadi prokuror tekshiruvidan so‘ng, Dyuzje davlat kasalxonasi o‘likxonasiga olib ketilgan. Hozirda holat yuzasidan surishtiruv ishlari boshlangan.
Avval Istanbulning Baxcheliyevler tumanida 60 yoshli erkak 40 yoshli o‘zbekistonlik ayolni tosh bilan o‘ldirib, jasadini maydalab, muzlatkichga qo‘ygani haqida xabar berilgandi.
Izoh (0)