Тайван жанубида жойлашган Пиндун уездидаги голф коптоклари ишлаб чиқарувчи заводда портлаш содир бўлди. Бу ҳақда Focus Taiwan нашри хабар берди.
Қурбонлар орасида уч нафар ўт ўчирувчи ҳам бор. Шунингдек, ёнғин оқибатида жароҳатланган ва ёнғин жойидан олиб чиқилган бир эркак ва аёл ҳалок бўлган. Яна беш киши бедарак йўқолганлар рўйхатида. Ёнғин оқибатида жами 102 киши жабрланган, уларнинг барчаси касалхонага ётқизилган.
Ёнғин 12 соатдан ортиқ давом этган. Пиндун расмийларига кўра, воқеа жойи атрофида ҳавони саноат кимёвий моддаларининг ҳиди тутиб кетган.
Аввал Жанубий Кореяда 40 ёшли ўзбекистонлик эркак ўз ҳаётини хавф остига қўйиб, 69 ёшли кореялик аёлни ёнғиндан қутқаргани ҳақида хабар берилганди.
Август охирида Жанубий Африка Республикасида бошпанасизлар турган бино ёниб кетиши оқибатида 73 киши ҳалок бўлганди. 50 дан ортиқ одам жароҳатланган.
Изоҳ (0)