Gollivud yulduzlari orasida bir necha yillardan buyon og‘ir xastaliklar bilan kurashib kelayotganlari ham bor. Ularning ayrimlari karyerasini kasalliklar sabab yakunlagan bo‘lsa, ayrimlari shu holatda bo‘lsa ham muxlislari uchun yangi ijod namunalarini taqdim etmoqda.
Bryus Uillis — demensiya
O‘tgan yili aktyor muloqot qobiliyatiga ta’sir qiluvchi afaziya kasalligiga chalinganidan so‘ng aktyorlik faoliyatini yakunladi. Vaqt o‘tib Uillisning oila a’zolari “O‘tda yonmas” yulduziga demensiya tashxisi qo‘yilganligini e’lon qildi, shifokorlarning fikriga ko‘ra, bu kasallikka chalingan insonlar atigi 5-7 yil yashaydi. Hozirda qadar bu kasallikning davosi topilmagan.
Charli Shin — OIV
Aktyor 2015-yilda OIV kasalligiga chalinganini tan oldi. Shinning aytishicha, u shantaj va pul undirishni to‘xtatish uchun kasalligini ommaga oshkor qilgan.
Xyu Jekman — saraton kasalligi
2013-yilda aktyorga teri saratonining bir turi bo‘lgan bazal hujayrali karsinoma tashxisi qo‘yilgan. Shundan keyin kasallik vaqti-vaqti bilan o‘zini eslatib turadi va Jekman yana biopsiyadan o‘tadi. U obunachilarga natijalar haqida gapirib, ularni sog‘lig‘ini kuzatishga va quyoshdan himoyalovchi kremlardan foydalanishga undaydi.
Ledi Gaga — fibromiyalgiya
Mashhur xonanda mushaklar, ligamentlar va tendonlarda kuchli og‘riqlar keltirib chiqaradigan surunkali kasallikdan aziyat chekadi. Ledi Gaga 2017-yilda unga shu kasallik tashxisi qo‘yilgani haqida gapirib bergan.
Bu kasallikka chalingan insonlar diqqatni jamlash va uxlashda qiyinchiliklarga duch keladi. Kasallikdan xalos bo‘lish mumkin emas, ammo terapiya simptomlarni yengillashtirishi mumkin, xonanda bir marta qattiq og‘riq bilan kasalxonaga yotqizilganligi sababli konsert dasturini kechiktirishga majbur bo‘lgan.
Selena Gomes — volchanka
2015-yilda xonanda unga toshmalar, charchoq va bo‘g‘imlarda noqulaylik tug‘diradigan yallig‘lanish kasalligi — volchanka tashxisi qo‘yilganligini ma’lum qilgan. Davolanishga qaramay, undagi volchanka kasalligi rivojlandi va Selena 2017-yilda buyrak transplantatsiyasini boshdan kechirdi.
Maykl Jey Foks — Parkinson kasalligi
“Kelajakka qaytib” filmi aktyori Maykl Jey Foks1998-yilda miyadagi nerv hujayralariga, mushaklar faoliyati va nutqiga ta’sir qiluvchi Parkinson kasalligiga chalinganini ma’lum qildi. Foks o‘z tashxisini yetti yil davomida sir tutdi, aktyorga 1991-yilda, u atigi 30 yoshda bo‘lganida kasallik tashxisi qo‘yilgan. Maykl ahvoli yomonlashganligi sababli aktyorlik faoliyatini to‘xtatdi, biroq o‘z hayotini kasallikning davosini topishga bag‘ishladi. Bugungi kunga qadar uning jamg‘armasi tibbiy tadqiqotlar uchun 800 million dollardan ortiq mablag‘ ajratdi.
Selma Bler — skleroz
Aktrisaga 2018-yilning oktabr oyida miya va markaziy asab tizimiga ta’sir qiluvchi skleroz kasalligi tashxisi qo‘yildi. Bler uzoq vaqt davomida simptomlarni sezganini tan oldi, ammo u buni asab sistemasidagi muammolar bilan bog‘ladi. Selma kasallik tufayli hassa bilan yuradi. 2019-yilda aktrisa ovozini buzgan spazmodik disfoniyadan ham aziyat chekayotganini tan oldi.
Holli Berri — qandli diabet
Aktrisa 22 yoshidan beri 2-toifa qandli diabet bilan kurashmoqda va uning atrofidagi insonlar bu haqda hatto bilishmaydi. Gap shundaki, Holli kasallik uning o‘lim jazosiga aylanmaydigan tarzda yashashni o‘rgandi.
“Men qandli diabet bilan kurashishni o‘rganganimdan keyin sog‘lom bo‘ldim. Hayot tarzimni o‘zgartirishim va olti oydan keyin voz kechishim mumkin bo‘lgan qandli dietaga rioya qilishim kerak emasligini qabul qilish uchun ba’zi qo‘rqinchli vaziyatlarni boshdan kechirishim kerak edi”, — deydi Holli.
Melani Griffit — epilepsiya
Aktrisa Antonio Banderas bilan turmush qurganida, tutqanoqni boshdan kechira boshladi. Tasavvur qiling-a, Melani tekshiruvdan so‘ng dahshatli tashxisni — epilepsiyani eshitganida hayratda qoldi. Keyinchalik Griffit stressning shu kasallikka olib kelishini aytdi. Biroq bundan ham hayratlanarlisi uning davo topish tarixi edi — aktrisa ispaniyalik aktyor bilan ajrashgandan so‘ng, uni tutqanoq tutmayotganini bilib qoldi.
Ariana Grande — og‘ir turdagi davomiy stress
2018-yilgi Billboard Music Awards marosimida Ariana Grande og‘ir turdagi stressdan aziyat chekayotganini tan oldi. Kasallik og‘ir stress natijasida yuzaga keladi va ruhiy holatga ta’sir ko‘rsatadi. Ariana bu haqda 2017-yildagi Manchesterdagi konsertida 22 kishining hayotiga zomin bo‘gan teraktdan so‘ng bilib oldi. Xonanda 2019-yilda kasallikning qanday kechganini aytib berish uchun hatto miyasining MRT muxlislariga ko‘rsatdi.
Izoh (0)