Rossiya va O‘zbekiston tez orada Lada Vesta NG avtomobillarini mamlakatda yig‘ish loyihasini qayta ko‘rib chiqishi mumkin. Bu haqda Rossiya bosh vaziri o‘rinbosari, sanoat va savdo vaziri Denis Manturov ma’lum qildi.
Avtomobilni yig‘ishni tashkil etish imkoniyati haqidagi savolga bosh vazir o‘rinbosari “hammasi mamlakat ichida butlovchi qismlar ishlab chiqarish hajmi qanday oshirilishi va ichki bozordagi talab qanday qondirilishiga bog‘liq”, deb javob berdi. Uning so‘zlariga ko‘ra, bugungi kunda talab oshirilgan.
“O‘zbekistonlik hamkasblardan hech qanday qo‘shimcha savol yoki takliflar bo‘lmadi”, — deya qo‘shimcha qildi Denis Manturov.
2021-yil sentabr oyida “AvtoVaz” O‘zbekistonning Roodell kompaniyasi bilan birgalikda “Jizzax” erkin iqtisodiy zonasida joylashgan ADM Jizzax zavodida Lada avtomobillarini seriyali yig‘ishni boshlagandi. Keyinchalik urush oqibatida ishlab chiqarish to‘xtatilgandi.
2022-yilning mart oyida “AvtoVAZ” zavodlarini bir necha marta to‘xtatib qo‘ydi va narxlarni ikki marotaba oshirdi. Shuningdek, kompaniya Lada avtomobillarida import qilinadigan ehtiyot qismlar sonini kamaytirishi ma’lum qildi. 2022-yil avgust oyiga borib esa “AvtoVAZ” 500 nafar o‘zbekistonlikni ishga olish imkoniyatini ko‘rib chiqayotgani haqida xabar berildi.
Izoh (0)