Россия ва Ўзбекистон тез орада Lada Vesta NG автомобилларини мамлакатда йиғиш лойиҳасини қайта кўриб чиқиши мумкин. Бу ҳақда Россия бош вазири ўринбосари, саноат ва савдо вазири Денис Мантуров маълум қилди.
Автомобилни йиғишни ташкил этиш имконияти ҳақидаги саволга бош вазир ўринбосари “ҳаммаси мамлакат ичида бутловчи қисмлар ишлаб чиқариш ҳажми қандай оширилиши ва ички бозордаги талаб қандай қондирилишига боғлиқ”, деб жавоб берди. Унинг сўзларига кўра, бугунги кунда талаб оширилган.
“Ўзбекистонлик ҳамкасблардан ҳеч қандай қўшимча савол ёки таклифлар бўлмади”, — дея қўшимча қилди Денис Мантуров.
2021 йил сентябрь ойида “АвтоВаз” Ўзбекистоннинг Roodell компанияси билан биргаликда “Жиззах” эркин иқтисодий зонасида жойлашган ADM Jizzax заводида Lada автомобилларини серияли йиғишни бошлаганди. Кейинчалик уруш оқибатида ишлаб чиқариш тўхтатилганди.
2022 йилнинг март ойида “АвтоВАЗ” заводларини бир неча марта тўхтатиб қўйди ва нархларни икки маротаба оширди. Шунингдек, компания Лада автомобилларида импорт қилинадиган эҳтиёт қисмлар сонини камайтириши маълум қилди. 2022 йил август ойига бориб эса “АвтоВАЗ” 500 нафар ўзбекистонликни ишга олиш имкониятини кўриб чиқаётгани ҳақида хабар берилди.
Изоҳ (0)