Tashqi mehnat migratsiyasi agentligi hamda Shveysariyaning Globogate Concept AG. tashkiloti o‘rtasidagi hamkorlik kelishuviga asosan tajribali tibbiyot xodimlarini Germaniya tibbiyot muassasalariga ishga jalb qilish dasturi ishlab chiqildi. Bu haqda agentlik matbuot xizmati xabar berdi.
Nomzodlar uchun talablar:
- Umumiy hamshiralik uchun – shifoxonaning turli bo‘limlarida kamida 2 yillik tajribaga ega hamshiralar (faqat bemorlarni parvarishlagan) bo‘lishi;
- 39 yoshdan oshmagan bo‘lishi;
- shifoxonada ish tajribasiga ega bo‘lishi (stomatolog, o‘qituvchilik va dorishunoslik, ginekologiya, shoshilinch tez tibbiy yordam, pediatriya, poliklinika-patronaj, akusherlik sohasida shug‘ullangan nomzodlar qabul qilinmaydi);
- sudlanmagan bo‘lishi;
- jismonan sog‘lom bo‘lishi;
- tibbiyot kolleji (faqat 3 yillik diplom yoki OMX) tamomlagan bo‘lishi;
- bemorlarga g‘amxo‘rlik qilish qobiliyatiga ega bo‘lishi;
- Angren shahrida tashkil etiladigan nemis tili kurslarida 10 oy davomida o‘qish (2 bosqichli tanlovlardan muvaffaqiyatli o‘tgan nomzodlargina dasturda ishtirok etadi);
- nomzodlar nemis tili kurslarida qatnashayotgan vaqtda mehnat faoliyati bilan shug‘ullanmasligi;
- Toshkent shahridagi Gyote instituti imtihonlaridan muvaffaqiyatli o‘tishi.
Loyihada ishtirok etish istagida bo‘lgan fuqarolarga quyidagi sharoitlar yaratib beriladi:
- Angren shahrida bepul turar joy;
- o‘quv xonasi;
- oylik stipendiya (6 oy).
Shuningdek, Globogate Concept AG. quyidagi xarajatlarni qoplab beradi va xizmatlarni kafolatlaydi:
- nemis tili o‘qituvchisi va o‘quv materiallari;
- til darajasi uchun Toshkentdagi Gyote institutida imtihon topshirish;
- hujjatlarni tarjima qilish va tasdiqlash;
- o‘quv dasturini muvaffaqiyatli tamomlagan nomzodlar uchun viza olish va Germaniyada ishga joylashish;
- Toshkent xalqaro aeroportidan Germaniyaga aviachipta va Germaniyadagi aeroportdan ish joyigacha transfer;
- mehnat sharoitlari nemis hamshiralari bilan bir xil (oylik 2 450 yevrodan boshlanadi, nafaqa, sug‘urta, taʼtil) va butun jarayon davomida doimiy qo‘llab-quvvatlash.
Ma’lumot uchun, yanvar-avgust oylarida 28,2 mingdan ortiq O‘zbekiston fuqarosi ishlash maqsadida xorijiy davlatlarga ketgan. Bu o‘tgan yilga nisbatan 7,5 foizga ko‘p. Xorijga ketganlarning deyarli to‘rtdan uch qismi yoki 20,45 ming kishi tashkiliy yollash doirasida Rossiyaga borgan.
Izoh (0)