Подмоскове яқинида Иосиф Сталин 1930 йиллар бошида яшаган “Липки-Алексеевское” мулки кимошди савдосига қўйилади. Бу ҳақда “Дом.рф” давлат компанияси сайтида хабар берилди.
.jpg)
Дача 3 ноябрь куни кимошди савдосида намойиш қилинади. Лотга 38,4 гектар ер участкаси ва умумий майдони 3,8 минг квадрат метр бўлган кўчмас мулк ижараси киради. Бошланғич баҳоси — 403,49 миллион рубль (тахмина 4,162 миллион доллар).
“Дом.рф” директори Николай Сароквашанинг сўзларига кўра, аукционда сотиш мулкка “иккинчи ҳаёт” бериш учун ягона имконият бўлиши мумкин.
Кимошди савдоси ғолиби мулкни сақлаш ишларини амалга ошириши, шунингдек, қонун ҳужжатларида белгиланган тартибда уни сақлаш ва ундан фойдаланиш бўйича талабларни бажариши шарт.
“Липки” мулки Вешки қишлоғида жойлашган. ХIX асрнинг охирида у савдогар Александр Алексеев томонидан қурилган, сўнг мажмуа миллийлаштирилган ва 1932 йилдан 1934 йилгача у ерда Иосиф Сталин доимий яшаган. ХХ асрнинг охирида бинода саратон касаллигига чалинган болалар учун реабилитация маркази очилди. 2004 йил кузида мулк реконструкция учун ёпилди, аммо таъмирлаш ишлари тугатилмади. Бино ҳозир ташландиқ ҳолатда.
.jpg)
Изоҳ (0)