Saudiya Professional Ligasi. Karim Benzemaning yagona goli “Al-Ittihod”ga g‘alaba keltirdi (video)

Futbol bo‘yicha Saudiya Arabistoni chempionatining 6-turida “Al-Ittihod” 14-sentabr, payshanba kuni “Al-Ohdud”ga qarshi bahs olib bordi.

Uchrashuvning birinchi bo‘limida darvozalar ishg‘ol etilmadi. Ikkinchi bo‘limda esa Karim Benzema tizzasi bilan gol urib, jamoasiga g‘alaba keltirdi.

“Al-Ittihod” 6-turdan so‘ng ochkolari sonini 15 taga yetkazib, birinchi o‘ringa ko‘tarilib oldi. “Al-Ohdud” esa 4 ochko bilan 13-pog‘onani band etgan.

Saudiya Professional Ligasi

6-tur bahsi

14-sentabr, payshanba

“Al-Ohdud” – “Al-Ittihod” 0:1

Gol: 0:1 – 72 Benzema.

“Al-Ohdud”: Paulo Vitor, Al Zabdani, Kverkveliya, Burke, Al Yami (Muhammad, 88), Al-Mansur (Al-Faraj, 82), Kolyado, Tenase, Al Muvallad (Al Hatila, 82), Tavamba, Godvin.

“Al-Ittihod”: Groe, Al-Olayyan, Kadesh, Sharahili, Luis Felipe (Kamara, 67), Bamasud, Kante, Fabinyo, Al-Jamaan (Farxan, 78), Benzema, Romarinyo (Xausaui, 90).