Саудия Профессионал Лигаси. Карим Бенземанинг ягона голи “Ал-Иттиҳод”га ғалаба келтирди (видео)

Футбол бўйича Саудия Арабистони чемпионатининг 6-турида “Ал-Иттиҳод” 14 сентябрь, пайшанба куни “Ал-Оҳдуд”га қарши баҳс олиб борди.

Учрашувнинг биринчи бўлимида дарвозалар ишғол этилмади. Иккинчи бўлимда эса Карим Бензема тиззаси билан гол уриб, жамоасига ғалаба келтирди.

“Ал-Иттиҳод” 6-турдан сўнг очколари сонини 15 тага етказиб, биринчи ўринга кўтарилиб олди. “Ал-Оҳдуд” эса 4 очко билан 13-поғонани банд этган.

Саудия Профессионал Лигаси

6-тур баҳси

14 сентябрь, пайшанба

“Ал-Оҳдуд” – “Ал-Иттиҳод” 0:1

Гол: 0:1 – 72 Бензема.

“Ал-Оҳдуд”: Пауло Витор, Ал Забдани, Кверквелия, Бурке, Ал Ями (Муҳаммад, 88), Ал-Мансур (Ал-Фараж, 82), Кольядо, Тенасе, Ал Муваллад (Ал Ҳатила, 82), Тавамба, Годвин.

“Ал-Иттиҳод”: Гроэ, Ал-Олайян, Кадеш, Шараҳили, Луис Фелипе (Камара, 67), Бамасуд, Канте, Фабиньо, Ал-Жамаан (Фархан, 78), Бензема, Ромаринё (Хаусауи, 90).