Buxoro viloyatidagi xonadonlardan birida yarim tonnadan ziyod iste’molga yaroqsiz go‘shtni saqlab kelgan erkak ushlandi. Bu haqda viloyat IIB axborot xizmati xabar berdi.
Unga ko‘ra, Qizilqum ko‘chasida yashovchi 1975-yil tug‘ilgan B.S. qo‘lbola usulda tayyorlangan muzlatkichda kelib chiqishi noma’lum hayvonga mansub bo‘lgan 543 kg go‘sht va go‘sht mahsulotlarini saqlab kelayotgani aniqlandi.
Buxoro viloyati Hayvonlar kasalliklari tashxisi va oziq-ovqat mahsulotlari xavfsizligi davlat markazi veterinariya-sanitariya ekspertiza, mikrobiologiya va oziq-ovqat mahsulotlari xavfsizligi laboratoriyasining xulosasiga ko‘ra, ushbu go‘sht va go‘sht mahsulotlari iste’molga yaroqsiz ekanligi aniqlangan.
Izoh (0)