Yevro—2024 saralashi. Fransiyada ishonchli, Niderlandiyada yirik hisobdagi g‘alabalar, Polsha esa Levandovskining dubli evaziga raqibini taslim etdi

Futbol bo‘yicha Yevro—2024 saralashidan o‘rin olgan qator uchrashuvlar 7-sentabr, payshanba kuni o‘tkazildi.

Fransiya terma jamoasi “Park de Prens”da Irlandiyani qabul qildi. Uchrashuvning 19-daqiqasida Orelyen Tchuameni hisobni ochdi. Ikkinchi bo‘lim boshida esa Markus Tyuram fransuzlarning ikkinchi goliga mualliflik qildi. Qolgan daqiqalarda darvozalar ishg‘ol qilinmadi va Fransiya ishonchli g‘alabani qo‘lga kiritdi.

Niderlandiya esa Gretsiya terma jamoasini yirik hisobda mag‘lub etdi. Niderlandlar tarkibida de Ron, Gakpo hamda Vegorstlar o‘z hisobiga gol yozdirib qo‘ydi. 

Shuningdek, Chexiya Albaniya bilan 1:1 hisobida durang qayd etdi, Polsha Farell orollarini Levandovskining dubli evaziga taslim etdi. 

Yevro—2024 saralashi

5-tur bahslari

7-sentabr, payshanba

Fransiya – Irlandiya 2:0

Gollar: 1:0 – 19 Tchuameni, 2:0 – 48 Tyuram.

Fransiya: Menyan, Kunde (Pavar, 89), Ernandes (Saliba, 73), Upamekano, Ernandes, Rabyo, Tchuameni, Dembele (Koman, 73), Jiru (Tyuram, 26), Grizmann (Kamavinga, 90), Mbappe.

Irlandiya: Bazunu, Daffi, Igan, Kollinz, Stivens (Makkleyn, 46), Braun, Kallen, Molambi (O‘Shi, 68), Nayt, Ogbene (Ebosele, 84), Ida (Kin, 67; Konnolli, 78).

Ogohlantirishlar: Ernandes (21), Kallen (47), Grizmann (87).

Niderlandiya – Gretsiya 3:0

Gollar: 1:0 – 17 de Ron, 2:0 – 31 Gakpo, 3:0 – 39 Vegorst.

Niderlandiya: Flekken, Dumfris (de Ligt, 85), van Deyk, Ake (de Vrey, 46), Gertryuyda, Blind, de Ron (Reynders, 65), de Yong (Verman, 77), Simons, Gakpo (Lang, 65), Vegorst.

Gretsiya: Vlahodimos, Rota (Yannulis, 69), Hasidyakos, Resos, Simikas, Bakasetas (Buhalakis, 77), Mantalos, Kurbelis (Kulerakis, 69), Siopis, Masuras (Funtas, 69), Pavlidis (Yakumakis, 73).

Ogohlantirishlar: Siopis (11), Ake (43), Simikas (44), Kurbelis (68), Mantalos (75), van Deyk (90).

Polsha – Farell orollari 2:0

Gollar: 1:0 – 73 Levandovski (penalti), 2:0 – 83 Levandovski.

Chexiya – Albaniya 1:1

Gollar: 1:0 – 56 Cherni, 1:1 – 66 Bayrami.

Daniya – San-Marino 4:0

Gollar: 1:0 – 26 Hyoyberg, 2:0 – 28 Mele, 3:0 – 40 Vind, 4:0 – 90 Poulsen.