Toshkentning ayrim hududlarida 7-sentabr kuni elektr taʼminoti vaqtincha to‘xtatiladi. Bu haqda “Hududiy elektr tarmoqlari” AJ axborot xizmati xabar berdi.
Unga ko‘ra, isteʼmolchilarga sifatli va barqaror elektr energiyasining yetkazib berilishini taʼminlash va elektr tarmoqlaridagi avariyaviy holatlarning oldini olish, kuz-qish mavsumiga puxta tayyorgarlik ko‘rish maqsadida ertaga, 5-sentabr kuni quyidagi manzillarda elektr taʼminoti vaqtincha o‘chiriladi:
- Mirobod tumani — “Afrosiyob” MFYning ayrim ko‘chalarida soat 10:00 dan 17:00 gacha;
- Mirzo Ulug‘bek tumani — “Ijodkor”, “Iqtidor”, “Chingeldi”, “Alisherobod”, “Geofizika”, “Temuriylar” hamda “Sarbon” MFYlarining ayrim ko‘chalarida soat 10:00 dan 16:00 gacha.
“O‘z navbatida, yuqoridagi hududlarda taʼmirlash ishlari belgilangan vaqtdan avvalroq yakunlanishi mumkinligini bildirib o‘tamiz”, — deyiladi xabarda.
“Hududiy elektr tarmoqlari” AJ Toshkent shahar filiali mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘ragan.
Avvalroq “O‘zenergoinspeksiya” tomonidan 2023-yilning sakkiz oyi davomida hamkorlikda o‘tkazilgan nazorat tadbirlarida 6 305 holatda isteʼmolchilar tabiiy gaz va elektr energiyasidan noqonuniy foydalangani aniqlangai to‘g‘risida xabar berilgandi. Noqonuniy foydalanish holatlarining eng ko‘pi — Andijon, Samarqand, Navoiy va Toshkent viloyatlari hissasiga to‘g‘ri keladi.
Izoh (0)