Тошкентнинг айрим ҳудудларида 7 сентябрь куни электр таъминоти вақтинча тўхтатилади. Бу ҳақда “Ҳудудий электр тармоқлари” АЖ ахборот хизмати хабар берди.
Унга кўра, истеъмолчиларга сифатли ва барқарор электр энергиясининг етказиб берилишини таъминлаш ва электр тармоқларидаги авариявий ҳолатларнинг олдини олиш, куз-қиш мавсумига пухта тайёргарлик кўриш мақсадида эртага, 5 сентябрь куни қуйидаги манзилларда электр таъминоти вақтинча ўчирилади:
- Миробод тумани — “Афросиёб” МФЙнинг айрим кўчаларида соат 10:00 дан 17:00 гача;
- Мирзо Улуғбек тумани — “Ижодкор”, “Иқтидор”, “Чингелди”, “Алишеробод”, “Геофизика”, “Темурийлар” ҳамда “Сарбон” МФЙларининг айрим кўчаларида соат 10:00 дан 16:00 гача.
“Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлигини билдириб ўтамиз”, — дейилади хабарда.
“Ҳудудий электр тармоқлари” АЖ Тошкент шаҳар филиали мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўраган.
Аввалроқ “Ўзэнергоинспекция” томонидан 2023 йилнинг саккиз ойи давомида ҳамкорликда ўтказилган назорат тадбирларида 6 305 ҳолатда истеъмолчилар табиий газ ва электр энергиясидан ноқонуний фойдалангани аниқлангаи тўғрисида хабар берилганди. Ноқонуний фойдаланиш ҳолатларининг энг кўпи — Андижон, Самарқанд, Навоий ва Тошкент вилоятлари ҳиссасига тўғри келади.
Изоҳ (0)