Rossiyada o‘quv yili boshlanishi ortidan Moskva va Sankt-Peterburg metrosida tiqilinch kuzatilmoqda. Bu haqda “Topor” xabar bermoqda.
Xabarda aytilishicha, Moskvadagi metropolitenning “Nekrasovka”, “Vernadsk Prospekti” va boshqa yo‘nalishga o‘tish yo‘laklarida tirbandliklar kuzatilmoqda.
Sankt-Peterburg metropolitenida esa “Devyatkino”, “Ploshad vosstaniya” va “Komendantskiy prospekt” bekatlarida katta tirbandliklar kuzatilgan.
O‘zbekistonda
Toshkent metropolitenida ham o‘quv yilii boshlanishi bilan tiqilinchlar bo‘lmoqda. Sentabr oyidan taʼlim muassasalarida o‘quv jarayonlari boshlanganidan so‘ng metropolitendan foydalanuvchi yo‘lovchilar soni birinchi o‘quv kunida qariyb 520 mingni tashkil etdi.
Qayd etilishicha, ushbu ko‘rsatkich o‘tgan avgust oyining kunlik yo‘lovchilar soniga nisbatan 180 ming (53 foiz) yo‘lovchiga ko‘p. Shu sababli, yo‘lovchilar oqimini nazoratga olish, xizmat sifatini oshirish maqsadida, metropolitenning yo‘nalishlarida qatnov intervali tig‘iz vaqtlarda qisqartirilishi maʼlum qilingan edi.
Avvalroq Toshkent shahridagi yo‘lovchilar tashish uzluksizligini ta‘minlash va ko‘rsatilayotgan xizmatlar sifatini yanada oshirish maqsadida, bugungi kunda ishga chiqarilayotgan 1464 ta avtobuslar sonini 1550 tagacha va bajariladigan qatnovlar sonini 21,7 mingtadan 22,8 mingtaga oshirish rejalashtirilgani to‘g‘risida xabar berilgandi.
Izoh (0)