Россияда ўқув йили бошланиши ортидан Москва ва Санкт-Петербург метросида тиқилинч кузатилмоқда. Бу ҳақда “Топор” хабар бермоқда.
Хабарда айтилишича, Москвадаги метрополитеннинг “Некрасовка”, “Вернадск Проспекти” ва бошқа йўналишга ўтиш йўлакларида тирбандликлар кузатилмоқда.
Санкт-Петербург метрополитенида эса “Девяткино”, “Плошад восстания” ва “Комендантский проспект” бекатларида катта тирбандликлар кузатилган.
Ўзбекистонда
Тошкент метрополитенида ҳам ўқув йилии бошланиши билан тиқилинчлар бўлмоқда. Сентябрь ойидан таълим муассасаларида ўқув жараёнлари бошланганидан сўнг метрополитендан фойдаланувчи йўловчилар сони биринчи ўқув кунида қарийб 520 мингни ташкил этди.
Қайд этилишича, ушбу кўрсаткич ўтган август ойининг кунлик йўловчилар сонига нисбатан 180 минг (53 фоиз) йўловчига кўп. Шу сабабли, йўловчилар оқимини назоратга олиш, хизмат сифатини ошириш мақсадида, метрополитеннинг йўналишларида қатнов интервали тиғиз вақтларда қисқартирилиши маълум қилинган эди.
Аввалроқ Тошкент шаҳридаги йўловчилар ташиш узлуксизлигини таъминлаш ва кўрсатилаётган хизматлар сифатини янада ошириш мақсадида, бугунги кунда ишга чиқарилаётган 1464 та автобуслар сонини 1550 тагача ва бажариладиган қатновлар сонини 21,7 мингтадан 22,8 мингтага ошириш режалаштирилгани тўғрисида хабар берилганди.
Изоҳ (0)