Turkiyaning mamlakat janubi-sharqidagi beshta viloyat: Diyorbakir, Malatya, Erzurum, Elazig va Gaziantep aholisi meteorit tushishiga guvoh bo‘ldi. Bu haqda Sabah xabar berdi.
![](/static/2023/zulfiya/photo_2023-09-03_17-21-04.jpg)
Ijtimoiy tarmoqlarda e’lon qilingan videoda atmosferada obyekt yonib ketganini ko‘rish mumkin. Kadrlar Yer yuzasiga qarab uchayotgan meteoritning zangori-yashil rangda qanday porlashini ko‘rsatadi.
Ommaviy axborot vositalarining yozishicha, obyekt Shonliurfa viloyati yaqiniga tushgan, shundan so‘ng baland ovoz eshitilgan.
Meteoritlarning tushishi: so‘nggi yangiliklar
- 2023-yilning may oyida AQShda turar joy binosiga meteorit kelib tushgandi. U binoning tomini yorib o‘tib, yotoqxonaga tushgan. Hodisa Nyu-Jersi shtatining Xoupvel shahrida sodir bo‘lgan.
- 2022-yil noyabr oyida kameralar Kanadada meteorit tushganini qayd etgan. Bu kuchli portlash va chaqnash bilan birga kechgan.