Ukraina bosh vaziri o‘rinbosari Mixail Fedorov payshanba kuni o‘zining Telegram’dagi kanalida 1000 dan ortiq dron Ukraina harbiylariga topshirilganini ma’lum qildi.
“Biz dronlar armiyasini kuchaytirmoqdamiz. Biz frontga 1000 dan ortiq dron va 30 ta robot tizimlarini jo‘natdik. Bular Ukrainaning innovatsion ishlanmalari bo‘lib, harbiylarga masofadan turib jang qilishga yordam beradi”, — deb yozgan Fedorov.
Uning ta’kidlashicha, 25 ta masofadan boshqariladigan “Sablya” jangovar minoralari ham Ukraina Qurolli kuchlariga topshirilgan. Fedorovning so'zlariga ko'ra, bu mashinaga, qazilma, xandaq yoki boshqa joyga o'rnatilishi mumkin bo'lgan qurol tizimi.
Mart oyida Ukraina maxsus aloqalar bo‘yicha davlat xizmati rahbari Yuriy Shigol Ukraina armiyasi uchun dronlar xarid qilish uchun budjetdan qo‘shimcha 31,6 milliard grivna (taxminan 867 million dollar) ajratilishini maʼlum qilgandi.
Izoh (0)