“Saola” superto‘foni Gonkongdagi so‘nggi besh yildagi eng kuchli to‘fon bo‘lishi mumkin

Gonkong hukumati “Saola” superto‘foni yaqinlashayotgani sababli xavfdan ogohlantirish darajasini T3 darajaga ko‘tarishga qaror qildi.

Shahar meteorologiya observatoriyasining ma’lumotlariga ko‘ra, suv sathi va shamol tezligi Gonkongga “Mangxut” to‘foni kelgan 2018-yildan buyon eng yuqori darajaga yetishi mumkin.

Hozirda supertayfun shahardan 360 km uzoqlikda joylashgan va 10 km/soat tezlikda yaqinlashishda davom etmoqda. Uning radiusi taxminan 180 km, shamolning tezligi esa 63 m/s ga etadi. Saola 1-sentabr oqshomida va 2-sentabr kuni ertalab shaharga yaqinlashishi kutilmoqda.

Rasmiylarning ta’kidlashicha, to‘fon xavfi darajasi juma kuni kechqurun mahalliy vaqt bilan soat 02:00 dan 05:00 gacha T8 darajasiga ko‘tariladi. Rasmiylar, shuningdek, shaharning past-baland hududlarida suv toshqini xavfi borligidan ogohlantirmoqda, suv sathi 2018-yildan beri rekord darajaga yetishi kutilmoqda.

Aholidan suv sporti bilan shug‘ullanmaslik, zarurat bo‘lmasa, uydan chiqmaslik, kuchli shamoldan ehtiyot bo‘lish so‘raladi. Kemalarga zudlik bilan maxsus joylarda panoh topishga ko‘rsatma berildi.