Superliga. “Paxtakor” 5 ta gol urilgan o‘yinda “Qizilqum” ustidan qiyin g‘alabaga erishdi

Futbol bo‘yicha O‘zbekiston Superligasining 18-turida “Qizilqum” 29-avgust, seshanba kuni o‘z maydonida “Paxtakor”ga qarshi bahs olib bordi.

 

 

Uchrashuvning 14-daqiqasida “sherlar” futbolchisi Diyor Xolmatov hisobni ochdi. 25-daqiqada esa Odiljon Hamrobekov mehmonlarning ikkinchi goliga mualliflik qildi. Birinchi bo‘lim yakunlanishiga bir necha daqiqa qolganda Islom Kenjaboyev penaltidan unumli foydalanib, hisobni qisqartirdi. 

Ikkinchi bo‘limda ham “Paxtakor” raqib darvozasini ishg‘ol qildi. Bu safar Sardor Sobiqxo‘jayev o‘z hisobiga gol yozdirib qo‘ydi. So‘nggi daqiqalarda esa Akaki Shulaya penaltini golga aylantirdi. Shu tariqa o‘yin 3:2 hisobida “Paxtakor”ning g‘alabasi bilan yakunlandi. 

Shu tariqa toshkentliklar ochkolari sonini 41 taga yetkazib, musobaqada peshqadamligini mustahkamladi. Navoiyliklar esa 11 ochko bilan eng so‘nggi pog‘onani band etgan. 

Superliga

18-tur

29-avgust, seshanba

“Qizilqum” – “Paxtakor” 2:3

Gollar: 0:1 — 14 Diyor Xolmatov, 0:2 — 25 Odiljon Hamrobekov, 1:2 — 42 Islom Kenajboyev (penalti), 1:3 — 78 Sardor Sobirxo‘jayev, 2:3 — 90+7 Akaki Shulaya (penalti).

“Qizilqum”: 35. Javohir Ilyosov, 6. Murodbek Rahmatov (79. Diyorbek Rahmatilloyev, 76), 10. Islom Kenjaboyev, 11. Akaki Shulaya, 13. Nikolay Tarasov, 23. Sherali Jo‘rayev (4. Ilhomjon Vahobov, 46), 25. Azizbek Usmonov, 30. Islomjon Toshpo‘latov (7. Davron Anvarov, 56), 44. Jo‘rabek Mannonov, 77. Giorgi Kuxianidze (28. Akmaljon Muzaffarov, 82), 92. Marko Simonovski (17. Muhammadali G‘iyosov, 56).

“Paxtakor”: 35. Sanjar Quvvatov, 3. Hojiakbar Alijonov, 7. Odiljon Hamrobekov, 8. Azizbek Turg‘unboyev (9. Mixal Kuxarchik, 84), 10. Dragan Cheran (2. Behruz Asqarov, 46), 17. Dostonbek Hamdamov, 19. Pshemislav Banashak (11. Po‘latxo‘ja Xoldorxonov, 86), 27. Sardor Sobirxo‘jayev (40. Kimi Merk, 84), 28. Diyor Xolmatov, 30. Metyu Stinvorden (88. Shahzod Azmiddinov, 69), 34. Farruh Sayfiyev.

Ogohlantirishlar: Sherali Jo‘rayev (24), Odiljon Hamrobekov (32), Azizbek Turg‘unboyev (37), Akaki Shulaya (73), Po‘latxo‘ja Xoldorxonov (90). 

Chetlatish: Shahzod Azmiddinov (90+4).