O‘zbekistonga yetti oyda eng ko‘p Xitoydan elektromobil import qilindi. Bu haqda Statistika agentligi xabar berdi.
Ma’lum qilinishicha, 2023-yilning yanvar—iyul oylarida 10 ta xorijiy davlatdan qiymati 217,1 million dollarga 7 391 ta elektromobil import qilingan.
Elektromobillar importi o‘tgan yilning mos davri bilan solishtirilganda 6084 taga yoki qariyb olti barobarga oshgan.
Yetti oyda eng ko‘p elektromobil import qilingan davlatlar:
- Xitoy – 6 898 ta;
- Gonkong – 376 ta;
- Germaniya – 64 ta;
- Janubiy Koreya – 18 ta;
- BAA – 16 ta;
- AQSH – 11 ta.
Avtomobillar importi
O‘zbekistonga 2023-yilning yanvar—mart oylarida 1 668 ta elektromobil import qilingan. Shuningdek, mart oyida xorijda ishlab chiqarilgan yangi yengil avtomobillar savdosi sezilarli darajada oshgani to‘g‘risida xabar berilgandi. Bir oy ichida “inomarka”lar bo‘yicha bitimlar soni 15 foizga ko‘paygan va 2,9 ming donaga yetgan. Fevral oyida esa elektromobillar sotuvi 746 donani tashkil etib, rekord qayd etgan edi.
Iqtisodiy tadqiqotlar va islohotlar markazi tomonidan o‘tkazilgan o‘rganishlarga ko‘ra, iyun oyida yengil elektromobillar savdosi 8,7 foizga o‘sdi va 2,1 mingtani tashkil etgan. Toshkent shahri elektromobillar savdosi bo‘yicha yetakchiligicha qolmoqda — 1,6 mingta. Toshkent va Farg‘ona viloyatlarida mos ravishda 105 dona va 102 dona sotilgan.
Izoh (0)