Ўзбекистонга етти ойда энг кўп Хитойдан электромобил импорт қилинди. Бу ҳақда Статистика агентлиги хабар берди.
Маълум қилинишича, 2023 йилнинг январь—июль ойларида 10 та хорижий давлатдан қиймати 217,1 миллион долларга 7 391 та электромобил импорт қилинган.
Электромобиллар импорти ўтган йилнинг мос даври билан солиштирилганда 6084 тага ёки қарийб олти баробарга ошган.
Етти ойда энг кўп электромобил импорт қилинган давлатлар:
- Хитой – 6 898 та;
- Гонконг – 376 та;
- Германия – 64 та;
- Жанубий Корея – 18 та;
- БАА – 16 та;
- АҚШ – 11 та.
Автомобильлар импорти
Ўзбекистонга 2023 йилнинг январь—март ойларида 1 668 та электромобил импорт қилинган. Шунингдек, март ойида хорижда ишлаб чиқарилган янги енгил автомобиллар савдоси сезиларли даражада ошгани тўғрисида хабар берилганди. Бир ой ичида “иномарка”лар бўйича битимлар сони 15 фоизга кўпайган ва 2,9 минг донага етган. Февраль ойида эса электромобиллар сотуви 746 донани ташкил этиб, рекорд қайд этган эди.
Иқтисодий тадқиқотлар ва ислоҳотлар маркази томонидан ўтказилган ўрганишларга кўра, июнь ойида енгил электромобиллар савдоси 8,7 фоизга ўсди ва 2,1 мингтани ташкил этган. Тошкент шаҳри электромобиллар савдоси бўйича етакчилигича қолмоқда — 1,6 мингта. Тошкент ва Фарғона вилоятларида мос равишда 105 дона ва 102 дона сотилган.
Изоҳ (0)