27-avgustdan “Tashabbusli budjet”ning 2023-yil ikkinchi mavsumidagi loyihalarga ovoz berish boshlandi.
“Ochiq budjet” portali orqali kiritilgan takliflarga quyidagi tartibda ovoz beriladi:
- Openbudget.uz saytiga kiriladi;
- “Tashabbusli budjet” bo‘limi tanlanadi;
- “Ovoz berish” tugmasi bosiladi;
- Mavjud takliflardan bittasi tanlanib, ustiga bosiladi;
- “SMS orqali” tugmasi tanlanadi;
- Telefon raqam kiritilib, matematik amal bajariladi;
- “SMS kodni yuborish” tugmasi bosiladi;
- mobil telefonga kelgan SMS kod kiritilib, yana “SMS kodni yuborish” tugmasi bosiladi.
Ovoz berish jarayonlari 16-sentabrgacha davom etadi.
Jamoatchilik fikri orqali hududlardagi ijtimoiy muammolarni hal qilishga mo‘ljallangan “Tashabbusli budjet” loyihasining ikkinchi mavsumi 17-iyuldan boshlangandi.
Iqtisodiyot va moliya vazirligi axborotiga ko‘ra, ushbu mavsum doirasida respublika bo‘ylab jami 49,5 mingta loyiha ilgari surilgan. Hududlar kesimida tahlil qilinganda, Surxondaryo bo‘yicha – 12,3 mingta, Toshkent shahrida 4,0 mingta, Qashqadaryo viloyatida 3,6 mingta va Farg‘ona viloyatida 3,4 mingta loyiha ilgari surilgan.
Joriy mavsum uchun dastlabki hisob-kitoblarga ko‘ra, tuman (shahar) budjetlari hisobidan jami 1 trillion so‘mdan ortiq mablag‘lar yo‘naltirilishi kutilmoqda.
Izoh (1)
Жонга тегди овоз туплаш ундан кура яроксиз жойларга навбат билан ажратилсин . 100та 150тадан овоз йигитни буюришибди яна мактаб укитувчиларига овоз йигсинми янги укув йилига тайерлансинми
Йукотиш керак бу опен бюджетни