27 августдан “Ташаббусли бюджет”нинг 2023 йил иккинчи мавсумидаги лойиҳаларга овоз бериш бошланди.
“Очиқ бюджет” портали орқали киритилган таклифларга қуйидаги тартибда овоз берилади:
- Openbudget.uz сайтига кирилади;
- “Ташаббусли бюджет” бўлими танланади;
- “Овоз бериш” тугмаси босилади;
- Мавжуд таклифлардан биттаси танланиб, устига босилади;
- “SMS орқали” тугмаси танланади;
- Телефон рақам киритилиб, математик амал бажарилади;
- “SMS кодни юбориш” тугмаси босилади;
- мобил телефонга келган SMS код киритилиб, яна “SMS кодни юбориш” тугмаси босилади.
Овоз бериш жараёнлари 16 сентябргача давом этади.
Жамоатчилик фикри орқали ҳудудлардаги ижтимоий муаммоларни ҳал қилишга мўлжалланган “Ташаббусли бюджет” лойиҳасининг иккинчи мавсуми 17 июлдан бошланганди.
Иқтисодиёт ва молия вазирлиги ахборотига кўра, ушбу мавсум доирасида республика бўйлаб жами 49,5 мингта лойиҳа илгари сурилган. Ҳудудлар кесимида таҳлил қилинганда, Сурхондарё бўйича – 12,3 мингта, Тошкент шаҳрида 4,0 мингта, Қашқадарё вилоятида 3,6 мингта ва Фарғона вилоятида 3,4 мингта лойиҳа илгари сурилган.
Жорий мавсум учун дастлабки ҳисоб-китобларга кўра, туман (шаҳар) бюджетлари ҳисобидан жами 1 триллион сўмдан ортиқ маблағлар йўналтирилиши кутилмоқда.
Изоҳ (1)
Жонга тегди овоз туплаш ундан кура яроксиз жойларга навбат билан ажратилсин . 100та 150тадан овоз йигитни буюришибди яна мактаб укитувчиларига овоз йигсинми янги укув йилига тайерлансинми
Йукотиш керак бу опен бюджетни