22-avgust kungi savdolar chog‘ida Yevropada gaz narxi deyarli 10 foizga ko‘tarilib, 15-iyundan beri birinchi marta har ming kub metr uchun 500 dollardan oshdi. Bu haqda London fond birjasi ma’lumotlari asosida xulosa qilish mumkin.
Eng yirik Yevropa xablaridan biri bo‘lgan TTF indeksi bo‘yicha sentabr oyidagi gaz fyucherslarining narxi ming kub metr uchun 503 dollarga yetdi.
Avstraliyadagi suyultirilgan gaz ishlab chiqarish zavodlarida ish tashlashlar boshlanishi mumkinligidan treyderlarning xavotiri oshgani tufayli yoqilg‘i narxi o‘sib borishda davom etmoqda. Reuters xabariga ko‘ra, agar rahbariyat ishchilarning ish haqini oshirmasa, ular 2-sentabrdan boshlab ishga chiqishni to‘xtatadi.
Agar ish tashlashlar boshlansa, ishlab chiqarishning to‘xtab qolishi suyultirilgan gaz ta’minotining 10 foizini xavf ostiga qo‘yadi, chunki Osiyo va Yevropa yaqinlashib kelayotgan isitish mavsumiga tayyorgarlik ko‘rmoqda.
Izoh (0)