Mamlakatda soliqdan qarzi eng ko‘p bo‘lgan yirik korxonalar ro‘yxatida “Farg‘ona neftni qayta ishlash zavodi” birinchi o‘rinda qayd etildi.
2023-yil 1-avgust holatiga ko‘ra, O‘zbekistondagi ishlab chiqarish sohasida soliq qarzi (100 mln so‘mdan yuqori) mavjud korxonalar soni 845 ta bo‘lib, ularning jami qarzdorligi 671,6 mlrd so‘mni tashkil etdi. Bu haqda Davlat soliq qo‘mitasi xabar berdi.
Maʼlum qilinishicha, jami qarzdorlikning 168,5 mlrd so‘mi (25,1 foizi) soliq qarzi eng ko‘p bo‘lgan 10 ta korxona hisobiga to‘g‘ri keladi.
O‘zbekistonda soliqdan qarzi eng ko‘p yirik korxonalar o‘ntaligida Farg‘ona neftni qayta ishlash zavodi” birinchi o‘rinni egallagan. Korxona qarzdorligi qariyb 56,6 mlrd so‘mni tashkil etgan. Keyingi o‘rinlar quyidagicha:
- “O‘zbekgidroenergo” AJning “O‘rta Chirchiq GES kaskadi” UK — 37,4 mlrd so‘m;
- “Denov vino-aroq” AJ — 13,2 mlrd so‘m;
- “Oq oltin don mahsulotlari” AJ — 13 mlrd so‘m;
- “Marhamat tekstil” MCHJ — 10,5 mlrd so‘m;
- “Arnasoy gold tex MCHJ qo‘shma korxona” — 9 mlrd so‘m;
- “Ohangaron shifer” AJ — 8,9 mlrd;
- “Termez Jayhun sluster” MCHJ — 6,9 mlrd so‘m;
- “Qaraqalpaq dan mahsulotlari” AJ — 6,8 mlrd so‘m;
- WBM Qo‘shko‘pir claster MCHJ — 6,2 mlrd so‘m.
Yirik korxonalarining soliq qarzi eng yuqori hududlar sifatida Toshkent viloyati (71,2 mlrd so‘m), Farg‘ona viloyati (57,1 mlrd so‘m) va Toshkent shahri (53,3 mlrd so‘m) qayd etilgan. Soliqdan qarzdorligi nisbatan kamroq yirik soliq to‘lovchi korxonalar Navoiy viloyatida (8 milliard so‘m) ekani ko‘rsatilgan.
Izoh (0)