Bollivud yulduzi Juhi Chavla Karishma Kapurning mashhurlikka erishishiga sababchi bo‘lganini aytib hazil qiladi, chunki u Karishmaning tomoshabinlar qalbidan joy olishiga katta yordam bergan ikkita mashhur film — “Raja va Arti” (1996-yil) va “Devona qalb” (1997-yil) filmlaridagi rollarni rad etgan. Bu loyihalarning birinchisi mashhur loyihaga aylandi, ikkinchisi esa unga Hindiston kino olamidagi Milliy mukofotni olib keldi.
“Filmlarda ishlash uchun ajoyib imkoniyatlarga ega bo‘ldim, biroq egoyim bu yo‘lda menga to‘sqinlik qildi. Men suratga tushishim mumkin bo‘lgan ba’zi filmlarda suratga tushmadim, chunki men suratga olish jarayonlarida yengilroq narsalarni va ko‘proq qulaylikni xohlardim. Men to‘siqlarni buzmadim”, — deydi Juhi.
“Muhabbat mavsumi” — 1994-yil
“Muhabbat mavsumi” — Kundan Shoh rejissorlik qilgan, Shohrux Xon bosh rolni ijro etgan romantik komediya, Juhi ushbu loyihadagi rolni rad etgandan keyin Suchitra Krishnamurti rolga tasdiqlandi.
“Baxtsiz” — 2000 yil
Hansal Mehtaning filmi tanqidchilar tomonidan ijobiy baholandi. Juhi bu filmda Manoj Bajpay bilan partnyorlikda rol o‘ynashi kerak edi, biroq keyinchalik loyihadagi obrazni Tabu gavdalantirdi.
“Devona qalb” — 1997 yil
Nisha roli Bollivud aktrisalari orasida juda mashhur bo‘lib kelgan. Avvaliga bu rolni Juhi Chavlaga taklif qilishgan, biroq oradan ko‘p yillar o‘tib, aktrisa Madhuri Dikshit tufayli, uning qahramonidan keyingi darajada turadigan rolni o‘ynashni istamagani uchun rad javobini berganini aytgan. “Mening rolim Madhuri bilan bir xil darajada bo‘lishiga ishonchim komil emas edi. Balki rejissorga to‘liq ishonganimda, bunday shubhalar bo‘lmasdi”, — degan Juhi.
Keyinchalik Nisha rolini Ravina Tandon, Kajol, Manisha Koyrala va Shilpa Shettiga taklif qilishdi, biroq ularning barchasi rad javobini berdi. Ajablanarlisi shundaki, bu rolni o‘z zimmasiga olgan Karishma Kapur Hindiston kino olamidagi Milliy mukofotga sazovor bo‘ldi.
“Raja va Arti” — 1996 yil
Amir Xon va Juhi Chavla ekrandagi mashhur juftliklardan biri, shu sababli aktrisa Arti roliga ko‘rib chiqildi, biroq vaqt bilan bog‘liq ba’zi muammolar tufayli filmda suratga tusha olmadi. Keyinchalik rol Karishma Kapurga taklif qilindi va u “Eng yaxshi aktrisa” nominatsiyasida Filmfare mukofotini qo‘lga kiritdi.
“Zamin qichqirig‘i” — 1997-yil
Dastlab, Gehna rolini Juhi Chavlaga taklif qilishdi, biroq u buni rad etdi. Keyinroq bu rol Tabuga berildi va u loyihadagi obrazni mahorat bilan gavdalantirdi.
“Haqiqat” — 1999-yil
Rejissor Mahesh Manjrukar Juhi Chavlani Sonya sifatida tasavvur qildi. Ammo aktrisa taklifni rad etgach, rolni Namrata Shirodkar ijro etgan.
“Ayriliq” — 1997 yil
“Ayriliq” filmida Janvi rolini Urmila Matondkar emas, Juhi Chavla o‘ynashi kerakligini bilarmidingiz? Biroq Juhi bu filmdagi rolni rad etdi. Shuningdek, u “Birinchi raqamli rafiqa” “1999-yil” filmidagi Karishma Kapur o‘ynagan roldan voz kechganini aytgan.
Bu shou-biznes va unda muvaffaqiyatsizliklar yo‘q. Juhi Chavla rad etgan rollar ba’zi aktrisalarning karyerasida burilish nuqtasi bo‘ldi. Shridevining “Muhabbat va qo‘rquv” filmidagi rolni rad etishi Juhining faoliyatidagi muhim voqea bo‘ldi.
Izoh (0)