Болливуд юлдузи Жуҳи Чавла Каришма Капурнинг машҳурликка эришишига сабабчи бўлганини айтиб ҳазил қилади, чунки у Каришманинг томошабинлар қалбидан жой олишига катта ёрдам берган иккита машҳур фильм — “Ража ва Арти” (1996 йил) ва “Девона қалб” (1997 йил) фильмларидаги ролларни рад этган. Бу лойиҳаларнинг биринчиси машҳур лойиҳага айланди, иккинчиси эса унга Ҳиндистон кино оламидаги Миллий мукофотни олиб келди.
“Фильмларда ишлаш учун ажойиб имкониятларга эга бўлдим, бироқ эгойим бу йўлда менга тўсқинлик қилди. Мен суратга тушишим мумкин бўлган баъзи фильмларда суратга тушмадим, чунки мен суратга олиш жараёнларида енгилроқ нарсаларни ва кўпроқ қулайликни хоҳлардим. Мен тўсиқларни бузмадим”, — дейди Жуҳи.
“Муҳаббат мавсуми” — 1994 йил
“Муҳаббат мавсуми” — Кундан Шоҳ режиссёрлик қилган, Шоҳрух Хон бош ролни ижро этган романтик комедия, Жуҳи ушбу лойиҳадаги ролни рад этгандан кейин Сучитра Кришнамурти ролга тасдиқланди.
“Бахтсиз” — 2000 йил
Ҳансал Меҳтанинг фильми танқидчилар томонидан ижобий баҳоланди. Жуҳи бу фильмда Манож Бажпай билан партнёрликда рол ўйнаши керак эди, бироқ кейинчалик лойиҳадаги образни Табу гавдалантирди.
“Девона қалб” — 1997 йил
Ниша роли Болливуд актрисалари орасида жуда машҳур бўлиб келган. Аввалига бу ролни Жуҳи Чавлага таклиф қилишган, бироқ орадан кўп йиллар ўтиб, актриса Мадҳури Дикшит туфайли, унинг қаҳрамонидан кейинги даражада турадиган ролни ўйнашни истамагани учун рад жавобини берганини айтган. “Менинг ролим Мадҳури билан бир хил даражада бўлишига ишончим комил эмас эди. Балки режиссёрга тўлиқ ишонганимда, бундай шубҳалар бўлмасди”, — деган Жуҳи.
Кейинчалик Ниша ролини Равина Тандон, Кажол, Маниша Койрала ва Шилпа Шеттига таклиф қилишди, бироқ уларнинг барчаси рад жавобини берди. Ажабланарлиси шундаки, бу ролни ўз зиммасига олган Каришма Капур Ҳиндистон кино оламидаги Миллий мукофотга сазовор бўлди.
“Ража ва Арти” — 1996 йил
Амир Хон ва Жуҳи Чавла экрандаги машҳур жуфтликлардан бири, шу сабабли актриса Арти ролига кўриб чиқилди, бироқ вақт билан боғлиқ баъзи муаммолар туфайли фильмда суратга туша олмади. Кейинчалик рол Каришма Капурга таклиф қилинди ва у “Энг яхши актриса” номинациясида Filmfare мукофотини қўлга киритди.
“Замин қичқириғи” — 1997 йил
Дастлаб, Геҳна ролини Жуҳи Чавлага таклиф қилишди, бироқ у буни рад этди. Кейинроқ бу рол Табуга берилди ва у лойиҳадаги образни маҳорат билан гавдалантирди.
“Ҳақиқат” — 1999 йил
Режиссёр Маҳеш Манжрукар Жуҳи Чавлани Sonyа сифатида тасаввур қилди. Аммо актриса таклифни рад этгач, ролни Намрата Широдкар ижро этган.
“Айрилиқ” — 1997 йил
“Айрилиқ” фильмида Жанви ролини Урмила Матондкар эмас, Жуҳи Чавла ўйнаши кераклигини билармидингиз? Бироқ Жуҳи бу фильмдаги ролни рад этди. Шунингдек, у “Биринчи рақамли рафиқа” “1999 йил” фильмидаги Каришма Капур ўйнаган ролдан воз кечганини айтган.
Бу шоу-бизнес ва унда муваффақиятсизликлар йўқ. Жуҳи Чавла рад этган роллар баъзи актрисаларнинг карьерасида бурилиш нуқтаси бўлди. Шридевининг “Муҳаббат ва қўрқув” фильмидаги ролни рад этиши Жуҳининг фаолиятидаги муҳим воқеа бўлди.
Изоҳ (0)