АҚШда собиқ президент Дональд Трампга заҳар солинган мактуб юборган аёл 22 йиллик қамоқ жазосига ҳукм қилинди. Бу ҳақда Associated Press хабар бермоқда.
Қайд этилишича, асли франциялик, 56 ёшли Паскал Ферер 2020 йил сентябрь ойида Канаданинг Квебек шаҳридаги уйида жуда заҳарли кастор ёғи тайёрлаганини тан олган. Заҳар солинган мактубда у Трампдан бўлажак сайловларда иштирок этишдан бош тортишни талаб қилган, унга таҳдид қилган ва уни “хунук, золим масхарабоз” деб атаган.
Мактуб Оқ уйга етиб боргунча саралаш хизматида ушланган. Ферер Техас ҳуқуқ-тартибот идораларига ҳам шундай саккизта хат юборган.
Аёл биологик қурол қўллаганлик бўйича тўққизта айбловни тан олди, уларнинг ҳар бири учун умрбод қамоқ жазоси берилиши мумкин эди.
Трампдан аввал ҳам АҚШ президентларига заҳар солинган хат юборилган. Хусусан, 2014 йилнинг май ойида Барак Обамага заҳар солинган хат юборган шахс 25 йиллик қамоққа ҳукм қилинган. Ўша йилнинг июль ойида Техас штатида истиқомат қилувчи собиқ актриса Шеннон Ричардсонни рицин заҳарини тайёрлаб, уни президент Барак Обама ва Нью-Йоркнинг собиқ мери Майкл Блумбергга мактуб орқали жўнатгани учун 18 йиллик қамоқ жазосига маҳкум этилган.
Изоҳ (0)