Bolgariya poytaxti Sofiyada eng nufuzli biznesmenlardan biri, prezidentlikka sobiq nomzod Aleksey Petrov otib o‘ldirildi. Bu haqda Euronews xabar berdi.
Politsiya ma’lumotiga ko‘ra, tadbirkor jinoyat joyida halok bo‘lgan. Bu Petrovga qilingan kamida uchinchi suiqasd hisoblanadi. Tadbirkorning yonida bo‘lgan ayol jarohatlangan va kasalxonaga yuborilgan.
2010-yilda Petrov tovlamachilik, giyohvand moddalar savdosi, pul yuvish va soliq to‘lashdan bo‘yin tovlash bilan shug‘ullangan jinoiy guruhga rahbarlik qilganlikda ayblanib, hibsga olingandi. U garov evaziga ozod qilingan va oxir-oqibat oqlangan.
2011-yilda Petrov Bolgariyadagi prezidentlik saylovlarida nomzod bo‘lgan. So‘nggi yillarda tadbirkor mamlakatdagi eng yirik sug‘urta kompaniyalaridan birini boshqargan.
Izoh (0)