Болгария пойтахти Софияда энг нуфузли бизнесменлардан бири, президентликка собиқ номзод Алексей Петров отиб ўлдирилди. Бу ҳақда Euronews хабар берди.
Полиция маълумотига кўра, тадбиркор жиноят жойида ҳалок бўлган. Бу Петровга қилинган камида учинчи суиқасд ҳисобланади. Тадбиркорнинг ёнида бўлган аёл жароҳатланган ва касалхонага юборилган.
2010 йилда Петров товламачилик, гиёҳванд моддалар савдоси, пул ювиш ва солиқ тўлашдан бўйин товлаш билан шуғулланган жиноий гуруҳга раҳбарлик қилганликда айбланиб, ҳибсга олинганди. У гаров эвазига озод қилинган ва охир-оқибат оқланган.
2011 йилда Петров Болгариядаги президентлик сайловларида номзод бўлган. Сўнгги йилларда тадбиркор мамлакатдаги энг йирик суғурта компанияларидан бирини бошқарган.
Изоҳ (0)