Buyuk Britaniyaning Lids universiteti olimlari oyoq-qo‘llarning qizarishi, qichishish va sanchish bilan birga kechadigan COVID-19 ning yangi alomatini aniqladi. Bu haqda Independent xabar berdi.
Kovid bilan kasallanganlarning aksariyati birinchi alomatlar paydo bo‘lganidan keyin bir necha kun yoki hafta ichida tuzalib ketadi.
Hozirgacha eng ko‘p uchraydigan alomatlar qatoriga kuchli charchoq, hid bilish hissini yo‘qotish, mushaklar og‘rig‘i va nafas qisishi kiradi. Boshqalar simptomlar esa quyidagilardan iborat:
- xotira muammosi;
- ko‘krak qafasidagi og‘riqlar;
- uyqusizlik;
- yurak urishi tezlashishi;
- bosh aylanishi;
- bo‘g‘imlardagi og‘riqlar;
- quloqdagi shovqin;
- depressiya va tashvish.
Olimlar tomonidan olib borilgan yangi tadqiqot “uzoq muddatli kovid” deb ataladigan ilgari noma’lum bo‘lgan alomatni aniqladi. Tegishli tadqiqot 33 yoshli bemor erkakning boshidan kechirgan yangi alomatni tasvirlaydi.
Erkak tik turganida uning oyoqlari og‘irlashgan, qichishish, sanchish kuzatilib, 10 daqiqa ichida teri rangi ko‘kargan.
Bundan tashqari, erkakning oyog‘ida vaqti-vaqti bilan toshmalar paydo bo‘lgan, ammo u yotganida sirli alomatlar yo‘qolgan.
Izoh (0)