Shvetsiya hukumati Ukrainaga yangi 3,4 milliard kron (314 million dollar) miqdoridagi harbiy yordam paketini ajratmoqda. Bu haqda mamlakat mudofaa vaziri Pol Jonsson matbuot anjumanida ma’lum qildi.
“Ukrainaliklar yangi yordam paketlariga, birinchi navbatda, o'q-dorilar va ehtiyot qismlarga juda muhtoj ekanliklarini ma'lum qilishdi, — dedi u. — Ukrainaga avval yetkazib berilgan shved texnikasi, birinchi navbatda CV 90 piyoda jangovar mashinasi uchun o'q-dorilar, shuningdek, ular uchun ehtiyot qismlar zarur. Paketning umumiy qiymati taxminan 3,4 milliard kronni tashkil etadi”.
2022-yil fevralidan beri Shvetsiya Ukrainaga 22 milliard kron (2,16 milliard dollar) yordam ajratdi, shundan 17 milliardi (1,67 milliard dollar) harbiy yordamdir.
Izoh (0)