Швеция ҳукумати Украинага янги 3,4 миллиард крон (314 миллион доллар) миқдоридаги ҳарбий ёрдам пакетини ажратмоқда. Бу ҳақда мамлакат мудофаа вазири Пол Жонссон матбуот анжуманида маълум қилди.
“Украиналиклар янги ёрдам пакетларига, биринчи навбатда, ўқ-дорилар ва эҳтиёт қисмларга жуда муҳтож эканликларини маълум қилишди, — деди у. — Украинага аввал етказиб берилган швед техникаси, биринчи навбатда CV 90 пиёда жанговар машинаси учун ўқ-дорилар, шунингдек, улар учун эҳтиёт қисмлар зарур. Пакетнинг умумий қиймати тахминан 3,4 миллиард кронни ташкил этади”.
2022 йил февралидан бери Швеция Украинага 22 миллиард крон (2,16 миллиард доллар) ёрдам ажратди, шундан 17 миллиарди (1,67 миллиард доллар) ҳарбий ёрдамдир.
Изоҳ (0)