Turkiya maxsus xizmatlari Rossiyaning Anqaradagi elchisi Andrey Karlovning o‘ldirilishida gumonlangan yana bir shaxsni qo‘lga oldi. Qo‘lga olish operatsiyasi Istanbulda o‘tkazildi.
Hurriyet gazetasi xabar berishicha, 2016-yilda Karlovga qarata o‘q uzgan sobiq politsiyachi Mavlut Mert Oltintosh tanishining rafiqasi hibsga olingan.
Nashr politsiyadagi manbalarga tayanib, ayol terrorchilik tashkiloti bo‘lgan FETO aʼzosi ekanini yozmoqda. Rossiya elchisi qotilining tanishi va uning rafiqasining ism-shariflari hozircha oshkor qilinmayapti.
Andrey Karlov 2016-yilning 19-dekabrida Anqarada “Rossiya turklar nigohida” fotoko‘rgazmasining ochilishida nutq so‘zlayotgan vaqtda o‘ldirilgandi.
Rossiya elchisining o‘ldirilishi bo‘yicha sud hukmi 2021-yil martida eʼlon qilingan. Unga ko‘ra, besh kishi umrbod qamoq jazosiga hukm qilindi, yana sakkiz nafari 5 yildan 15 yilgacha ozodlikdan mahrum qilindi, olti nafar ayblanuvchi oqlandi. Boshqa sudlanuvchilarning ishi alohida protsessga ajratildi.
Izoh (0)