Badiiy gimnastika bo‘yicha Olimpiya chempioni, hozirda Rossiyaning “Natsionalnaya media gruppa” xoldingi rahbari Alina Kabayeva “tanib bo‘lmas” ko‘rinishga kelgani xabar qilingandi. Plastik jarroh Dmitriy Slosser Kabayevaning yuz qiyofasidagi sezilarli o‘zgarishlar sababini aytdi.
Mutaxassisning so‘zlariga ko‘ra, gimnastikachi gialuron kislotasi yordamida tashqi ko‘rinishini yaxshilashga harakat qilgan.
“Kabayeva, menimcha, inyeksiyali operatsiyani o‘tkazgan, u gialuron kislotasidan foydalanadi”, — dedi Slosser.
Jarrohning ta’kidlashicha, Kabayevaning yuzi yumaloqroq bo‘lgan. Ammo u yoshga bog‘liq o‘zgarishlarni to‘xtatishga harakat qilgan, natijada “go‘zallik ukoli”ni ko‘paytirib yuborgan.
“U keng suyak va yuzli odamlarning genetikasiga ega, shuning uchun yoshga bog‘liq ba’zi o‘zgarishlar kuzatilgan. Afsuski, barchamiz 13 yoshda bo‘lganimizday qolib ketmaymiz. Suyak va boshqa to‘qimalarning tuzilishida o‘zgarishlar bo‘ladi. Shu sababdan bularning fonida bir oz (taxminan yarim kilogramm) gialuron kislotasi qo‘shsangiz, siz oy yuzli go‘zallikka ega bo‘lasiz”, — dedi u.
Shuningdek, Slosser Kabayeva plastik jarrohlik qilmasdan qarishni to‘xtatishga harakat qilgani, u jarroh tig‘isiz, “go‘zallik ukoli”ni olganini aytdi.
“U minimal invaziv operatsiyalarni, jumladan, mutlaqo zararsiz turli iplar, ukollardan foydalanadi. Yana bir masala shundaki, ular unchalik samarali emas va bir qator salbiy ta’sirlarga ega”, — deya xulosa qildi plastik jarroh.
Izoh (0)