Badiiy gimnastika bo‘yicha 39 yoshli Olimpiya chempioni, hozirda “Natsionalnaya media gruppa” xolding direktorlar kengashi va “Sport-Express” direktorlar kengashi rahbari Alina Kabayeva uzoq vaqtdan beri ilk bor ommaga ko‘rinish berdi.
Kabayeva mashhur shaxs bo‘lib, uning har bir ko‘rinishi ommaning diqqat markazida bo‘ladi. Rossiya ommaviy axborot vositalarining yozishicha, Kabayeva Sochida ko‘rinish bergan. U o‘zining nomidagi xayriya jamg‘armasi tomonidan tashkil etilgan 12-Alina badiiy gimnastika festivalida ishtirok etgan. Kabayeva Rossiyaning ELLYME brendiga tegishli salkam 29 ming rubllik (355 dollar) qora libosda ko‘rinish bergan. Aksessuar sifatida u marjonli tilla sirg‘a tanlagan.
.jpg)
Sport yulduzi tadbir ishtirokchilari bilan suratga tushgan. Kadrlarga qarab uning vazn yo‘qotganini va avvalgi suratlarga qaraganda ancha nozik ko‘rinishga kelganini sezish mumkin.
So‘nggi marta Kabayeva Sochida, dekabr oyida o‘z nomidagi Badiiy gimnastika akademiyasining ochilish marosimiga kelganida kameraga muhrlangandi. Ilgari Kabayeva bolalari bilan Shveysariyada yashagan, biroq unga qarshi sanksiyalar joriy etilganidan keyin u Rossiyaga qaytishga majbur bo‘lgan.
Kabayeva Rossiyada rasmiy mavqega ega emas. Ammo u va uning qarindoshlari qimmatbaho ko‘chmas mulkka ega va uning jamg‘armasi hisobiga pul doimiy ravishda kirib boradi. Uning hayoti haqida deyarli hech narsa ma’lum emas va bolalarining rasmi ham yo‘q. Avvalroq jurnalistlar Kabayeva dabdabali hayoti uchun qayerdan pul olayotgani haqida surishtiruv e’lon qilgandi.
Izoh (0)