Бадиий гимнастика бўйича Олимпия чемпиони, ҳозирда Россиянинг “Националная медиа группа” холдинги раҳбари Алина Кабаева “таниб бўлмас” кўринишга келгани хабар қилинганди. Пластик жарроҳ Дмитрий Слоссер Кабаеванинг юз қиёфасидаги сезиларли ўзгаришлар сабабини айтди.
Мутахассиснинг сўзларига кўра, гимнастикачи гиалурон кислотаси ёрдамида ташқи кўринишини яхшилашга ҳаракат қилган.
“Кабаева, менимча, инексияли операцияни ўтказган, у гиалурон кислотасидан фойдаланади”, — деди Слоссер.
Жарроҳнинг таъкидлашича, Кабаеванинг юзи юмалоқроқ бўлган. Аммо у ёшга боғлиқ ўзгаришларни тўхтатишга ҳаракат қилган, натижада “гўзаллик уколи”ни кўпайтириб юборган.
“У кенг суяк ва юзли одамларнинг генетикасига эга, шунинг учун ёшга боғлиқ баъзи ўзгаришлар кузатилган. Афсуски, барчамиз 13 ёшда бўлганимиздай қолиб кетмаймиз. Суяк ва бошқа тўқималарнинг тузилишида ўзгаришлар бўлади. Шу сабабдан буларнинг фонида бир оз (тахминан ярим килограмм) гиалурон кислотаси қўшсангиз, сиз ой юзли гўзалликка эга бўласиз”, — деди у.
Шунингдек, Слоссер Кабаева пластик жарроҳлик қилмасдан қаришни тўхтатишга ҳаракат қилгани, у жарроҳ тиғисиз, “гўзаллик уколи”ни олганини айтди.
“У минимал инвазив операцияларни, жумладан, мутлақо зарарсиз турли иплар, уколлардан фойдаланади. Яна бир масала шундаки, улар унчалик самарали эмас ва бир қатор салбий таъсирларга эга”, — дея хулоса қилди пластик жарроҳ.
Изоҳ (0)