12 nafar respublikachi kongressmen Ukrainaga yordam berish uchun mablag‘ ajratilishiga qarshi chiqdi. Ular prezident Jo Baydenga xat yozib, Kongressdan shu maqsadda 24 milliard dollarlik so‘rovni qaytarib olishga chaqirdilar.
“Amerikaliklar cheksiz proksi urushiga homiylik qilishdan charchadilar. Men va mening hamkasblarim Kongressga Ukraina bo‘yicha keng qamrovli strategiya taqdim etilmaguncha, prezident Baydendan so‘nggi yordam paketini qaytarib olishni talab qilib xat yozdik”, — deb yozdi deputat Uorren Devidson.
Xat mualliflariga ko‘ra, amerikaliklar “AQSH va uning fuqarolarini birinchi o‘ringa qo‘yadigan” siyosatni xohlaydi.
Rossiya Ukrainada urush boshlaganidan beri Qo‘shma Shtatlar unga 113 milliard dollardan ortiq yordam ko‘rsatishni maʼqulladi. 10-avgust kuni Jo Bayden Kongressdan Ukraina uchun qo‘shimcha 13 milliard dollar favqulodda yordam va 8,5 milliard dollarlik iqtisodiyot va mudofaa yo‘nalishi bo‘yicha yordam so‘radi.
Izoh (0)